][^][®][ صاحب الظل الطويل - Daddy Long Legs ][®][^][

السلاااااااااام علييييكم



Daddy Long Legs- English title
Ashinaga Ojisan - Japanese title
私のあしながおじさん - Japanese
Papà Gambalunga - Italian
Papa longues jambes- French


معلومات عامة عنه :-

عدد الحلقات : 40 حلقة ( سمعت إنه في سبيشل موفي أو أوفا لصاحب الظل الطويل .. بس مو متأكده )
نوع الانمي : كوميدي – رومانسي – شوجو
مدة عرضه : من 4-1-1990 إلى 23 -12 -1990
المخرج : Yokota Kazuyoshi
الموسيقى من تأليف : Aya Wakakusa
أغنية البداية اليابانية هي : "Growing Up" من تأدية Mitsuko Horie
أغنية النهاية اليابانية هي : "Kimi no Kaze" من تأدية كلاً من Mitsuko Horie, SHINES

القصة :-

[mark="33FFFF"]قصة صاحب الظل الطويل ...[/mark]



القصة عن البنت اليتيمة جودي آبوت ... اللي تركوها عند باب أحد الملاجيء في نيويورك .. بدون أي معلومة تدل على هويتها الحقيقية ... تربت جودي في الملجأ ... حتى اسمها ( جودي آبوت ) مو اسمها الحقيقي .. هذا الاسم اختارته لها .. مديرة المدرسة السيدة ليزا .. عموماً .. تتربى جودي في الملجأ ... ونشوف في بداية الحلقات إنه جودي محبوبة وايد من كل الياهال ( الأيتام ) لأنها حنونة وحبوبة .. فالكل يحبها .. وجودي دايماً تلعب مع الياهال ^_^ .. مو بس جذي بعد ترسم على الطوف ^__+يعني حدها مرحة وحيوية ونشيطة ( على الرغم من إنه داخلها حزن كبير بسبب حياتها الصعبة لكن جودي من النوع الحالم والمتفائل لأبعد الحدود ^_^ ) ... يوجد في الملجأ ولدين وبنت بنفس عمر جودي تقريباً لكن مختلفين عنها تماماً لأن كل واحد فيهم يبي أحد يتبناه علشان يترك الملجأ ويبدأ حياة يديدة وحلوة ... ماعدا جودي اللي ما كانت تحلم بهالشي مولية .. المهم في يوم ...السيدة ليزا ... نادت جودي وربعها ^_^ (Eric, Sadie and Tommy ... مو متأكدة من الأسامي ^_+ .. سوري) ... وقالت لهم إن المحافظ وعدد من الشخصيات الراقية راح يزورون الملجأ ... وقالت لهم إنهم لازم يحسنون التصرف لأن ممكن إن أي واحد فيهم يتم تبينه من قبل الأشخاص اللي راح يحضرون ويكون له أسرة ^_^ ... طبعاً الكل تحمس وقرر يسوي أحسن شي عنده ماعدا جودي اللي ما اهتمت للموضوع ,وصل اليوم المنتظر ... والكل كان يشارك في الاستعداد ... بدأ التنظيم والتنظيف .. وبدت مواقف جودي العبيطة ^_+
وصلوا الزوار ... والكل كان يبذل أقصى اللي يقدر عليه وجودي حاولت لكن ؟؟؟ شوفوه أحسن ^_^
عموما ً... ^^
في يوم نادت السيدة ليزا جودي وقالت لها إنه في أحد تكفل بدارستها في أحد أرقى المدارس .. وهي مدرسة لينكولن .. وهذا الشخص اسمه جون سميث .. جودي كانت طايرة من الفرحة ... وحبت تشكر هذا الشخص اللي كان على وشك إنه يطلع من الملجأ لكن ما لحقت عليه ... بس شافت ظله وكل ظله طويل، بس ما شافت الشخص ولا تعرفت عليه أكثر، صور للمشهد اللي ألحقت فيه جودي السيد جون سميث علشان تشكره .. لكن ما قدرت تشوفه .. بس شافت ظله ^_+





















جودي في البداية كانت متضايقة لأنها راح تترك الملجأ اللي تربت فيه ... واللي كان مضيق خلقها أكثر هو إنها راح تترك أصدقاءها اللي تحبهم .... وبعد بسببSadie



هذي البنت كانت تتمنى أحد يتبناها .. وكانت دايماً جدية وصارمة ... علشان جذي انصدمت لأنه جودي حصلت على منحة للدراسة في أرقى المدارس الخاصة ... واهي لأ .. وكانت تعامل جودي جنها السبب في اللي اهي فيه ... باختصار حست جودي بالذنب والضيق ........ في الأخير يا اليوم اللي بتروح فيه جودي للمدرسة ... وجودي خذت معاها جنطة ( شنطة ) كل اللي فيها من أغراض بالي وقديم ... ولما كانت في القطار كانت حزينة وايد ومتضايقة لأنها تركت أصدقائها وما ودعتهم حتى ... لكن المفاجأة .. كانت إنه كل أصدقائها يايين يودعونها حتى أم خشم .. وكانت أم خشم لابسة الجوتي ( الحذاء ) اللي شرته لها جودي ^_+ قبل ما تسافر ( يوم عطتها جودي الجوتي عصبت ورفضت تاخذه ) ..أي الفلوس كانت لجودي علشان أجهز نفسها .. لكن اهي شرت بالفلوس هدايا لأصدقائها ^_^
راحت جودي المدرسة .. وتعرفت على عدد من الصديقات لكن أهمهم .. صديقات السكن .. جوليا بندلتون وسالي ماك برايت .. من هني تبدأ حياة جودي اليديدة .. مع مغامرات مختلفة كل يوم .. وجودي تكتب رسائل لصاحب الظل الطويل حسب طلبه وتذكر فيها كل شي يصير لها ( اهي أطلقت عليه لقب صاحب الظل الطويل بعد ما شافت ظله الطويل ^_+ ) ... في أحداث وايد حلوة لكن أهم شي منو هذا صاحب الظل الطويل أو جون سميث وليش يساعد جودي ؟؟؟
جودي ما قالت لأحد إنها كانت في ميتم .. وإنها ما تعرف أمها وأبوها ولا حتى أي شي يدل على هويتها .... ^_^هل راح تقدر جودي تخش هالشي على طول ولا في أحد راح يكشفها ؟؟؟؟ .. خصوصاً إنها عفوية وما تقدر تخفي مشاعرها وانفعالاتها على أي أحد ... ^_^

[mark="CC0033"]++ الشخصيات ++


جودي آبوت ^_^ :-[/mark]



بنت يتيمة تربت في ملجأ للأيتام ... وهي فتاة مرحة ومتفائلة رغم كل الصعاب في حياتها ... عفوية لأبعد الحدود .. وتحب الأطفال علشان جذي كل أطفال الملجأ كانوا يحبونها .... لها موهبة كبيرة في الكتابة .... وخيالها واسع ....دايماً تحلم وتتخيل ^_^
أحد الأشخاص تكفل بكل مصاريف دراستها في أحد المدارس الخاصة الراقية .. وبمصاريفها الأخرى .. وجودي دايماً تفكر بهذا الشخص ... جون سميث أو صاحب الظل الطويل .. تبي تشوفه وتتعرف عليه شخصياً علشان تشكره ^_^

[mark="CC0033"]جوليا بندلتون :-[/mark]



جوليا هي صديقة جودي في السكن ..... وهي بنت أحد أغنى العائلات في نيويورك ... جوليا مغرورة وايد وشايفة نفسها لأنها من عائلة غنية ... بس هي حبوبة ( لكن الغرور مشكلتها ^_+ ) ... جوليا معجبة وايد بأخو سالي .. جيمي ... وتحب تظهر بأحسن صورة جدامه ... وهي بشكل عام .. تهتم بظهرها وايد وتحب تكون الأفضل بكل شي ^_^

[mark="CC0033"]سالي ماك برايد :-[/mark]



هي زميلة حودي بالسكن ... وتشارك جوليا نفس الغرفة ( هذا الشي لحد ألحين مو لاقيه له إجابة ... ليش ما يكون لجوليا غرفتها الخاصة ؟؟؟ يعني كل هالغرور .... والاهتمام بالمظاهر ... ومعاها بالغرفة بنت ثانية ؟؟ ) .. المهم .. سالي هادية وايد وحبوبة ... وخجولة بطريقة فظيعة ... وفي وايد مواقف بالانمي أدل على خجلها ^__^

[mark="CC0033"]جيفرز بندلتون :- [/mark]



هو عم جوليا ... هو من عائلة غنية لكن تصرفاته لا تدل على هالشي ... متواضع وايد وحيوي ويحب الحياة ^_^ وهو اكبر من جوليا بعشر سنوات تقريباً .... جيفرز يتعرف على جودي أول مرة .... لما ييي المدرسة علشان يشوف جوليا لكن جوليا كانت مشغولة فطلبت من جودي استقبال عمها ... جودي في البداية كانت مو متحمسة لمقابلته ... لأنها كانت تعتقد إنه مغرور وشايف نفسه لأنه غني مثل جوليا ... لكن لما قابلته ... حست إنه في شبه بينها وبينه من ناحية التصرفات ... وبعدها صار في بينهم صداقة قوية ^___^

[mark="CC0033"]السيدة ليزا ^_^ :-[/mark]



شخصية مو مهمة وايد .... تطلع بس في بداية المسلسل ... وهي المسؤولة عن الملجأ اللي كانت فيه جودي ... متسلطة أو بالأصح صارمة علشان جذي كانت دايماً تهاوش جودي على تصرفاتها .. خصوصاً سالفة رسم صورتها على الطوفة ^_^

[mark="CC0033"]الآنسة ثرون :-[/mark]



هي المسؤولة عن سكن الطالبات في المدرسة الخاصة ... وهي شوي غريبة ^_+ ... أول شي ياويلكم إذا قلتوا لها سيدة اهي توها آنسة ... ماتحب الرياييل ... مو ما تحبهم ... هي بس تعصب على الناس اللي يحسون إن المرآة لازم تتزوج بعمر معين وإنه لازم يكون معاها ريال يساعدها .. وهي صارمة وايد ... وما تحب الإزعاج .. ودايماً تهاوش جودي بسبب إزعاجها وخرابيطها ... بس اهي وايد طيبة وتحب تساعد الكل ^_^

[mark="CC0033"]جيمي ماك برايد :-[/mark]



أخو سالي ... لاعب كرة مشهور وله معجبين وايد من الجنس اللطيف ^__+ ... وأولهم جوليا .. هو يحترم جوليا وايد ... وجودي بعد ... وهو قريب لجودي وايد ... وطريقة معرفته بجودي كانت مضحكة جداً ^_^ جيمي مو شخصية أساسية في المسلسل ... يطلع في بعض الحلقات ^_^

[mark="CC0033"]لينورا :-[/mark]


لينورا ... ( تطلع في ثلاث حلقات متتالية ويكون التركيز عليها فقط ... الحلقات هم 20 - 21 -22 ) هي طالبة يديدة تأتي للمدرسة وتكون مع جودي في نفس الكلاس ... بس اهي أكبر من جودي بسنة وحدة .... تحب تلعب كرة السلة وتكتب روايات وأشعار رائعة ... بس بسبب صحتها وإصابتها بمرض في القلب ... يؤثر هذا على إبداعها ... بالثلاث الحلقات اللي تطلع فيها نشوف علاقتها مع أبوها ... اللي بسبب عمله يكون مشغول دايماً... و بنعرف إذا لينورا راح تسوي العملية وتتشافه من مرضها ولا لأ ؟؟ وشنو راح يصير بينها وبين أبوها ؟؟ ... هذي قصة لينورا باختصار والحلقات اللي تطلع فيهم من أحلى الحلقات ^^


[mark="CC0033"]إميلي :-[/mark]



هي أحد الأطفال الأيتام الموجودين في الملجأ اللي كانت فيه جودي ... إميلي تبي يكون عندها أم مثل باقي الأطفال .. علشان جذي دايماً تبجي بليل .. لكن جودي دايمأ معاها ... وكانت مثل الأم لها ... إميلي كانت اكثر وحده متضايقة على فراق جودي +_+

[mark="CC0033"]Susan Estel ( هذا اسمها المذكور في أحد المواقع الألمانية ^_+ ) :-[/mark]



هي الطباخة الموجودة في الملجأ اللي تربت فيه جودي ... تحب الأطفال وايد وعلاقتها حلوة مع كل الموجودين في الملجأ ... بس تحب جودي أكثر شي ... وكانت مستانسة وايد لما حصلت جودي على منحة للدراسة في أحد أرقى المدارس ... وكانت تشجعها علشان لا تضيع هالفرصة عليها ^^

[mark="CC0033"]والتر :-[/mark]



هو سكرتير جون سميث ( صاحب الظل الطويل ) الخاص .. وهو صلة الوصل بين جون سميث وجودي ... والتر يهتم بأمور وايد تخص جودي منها الملابس ... ودايماً لما تكون جودي متوقعه تقابل صاحب الظل الطويل ... اهو يطلع بداله ^^

[mark="CC0033"]هيرمان ميلنور :-[/mark]



هو مدرس جودي في مدرسة لينكولن... أعتقد مدرس الأدب الأنجليز ي -_-؟

ألحين بحط صورة للثلاث أيتام اللي قتلكم عنهم في بداية الموضوع و إنهم بعمر جودي ... بس مختلفين عنها في طريقة التفكر والطموح و هم Eric, Sadie and Tommy ( تومي الموجود على اليمين وSadie اللي في الوسط و إريك على اليسار ^^ )


هذي الشخصيات ^^ .. حاولت أذكر كل الشخصيات المهمة والغير مهمة ^^

أكــ..ــابــر كتب:

مشكووره حبيبتي على القصه الطويله..

تسلم يمناك لا اعدمناك..الله لا يحرمنا من جديدك..

العفو خيتوو ^^

الله يسلمج ولا تحرمينا من هاي الطله الكول

مشكوووووووووووورهـ قلبوو pinky girl


يعطيك العاافيه

تحياتي

دلوعه المملكه

دلوعه المملكه كتب:

مشكوووووووووووورهـ قلبوو pinky girl


يعطيك العاافيه

تحياتي

دلوعه المملكه

الله يعافيج ,, تسلمين على المرور النايس ^^